АРÇЫНСЕН алкоголизмĕ пирки сăмах хускалсан, чăн малтан эрехпе сăмакуна аса илетпĕр. Çав вăхăтрах çак усал чире пуçарса яма пулăшакан шĕвеке - сăрана - манса хăваратпăр. Кашни кун сăра ĕçекенсем, пĕчĕккĕн-пĕчĕккĕн сывлăха хавшатса пыракансем вара пирĕн хушăмăрта нумай.

Мĕнпе хăрушă-ха сăра ĕçес туртăм вăйланнăçем вăйланса пыни? Вĕсем çаксем:

_ мăнтăрланни (сăра хырăмĕ);
_ панкреатит, гастрит е вар-хырăм язви;
_ гипотони, юн тымарĕсен варрикозĕ;
_ ар пултарулăхĕ вăйсăрланни.

Сăра ĕçни пỹре, чĕре, пĕвер чирĕсемпе аптăрасси патне илсе çитерет.

Çапла вара сăра та, эрехпе сăмакун пекех, сывлăхшăн хăрушă. Хăшĕсем алкогольсăр сăра ĕçме килĕштернине те ырлама çук. Тутине лайăхлатма çак сăрана пĕвере аркатакан хутăшсем хушаççĕ.

Н.ПОЛИКАРПОВ,
нарколог тухтăр.